யாழ் வடமராட்சிக் கிழக்கில் சட்டவிரோத மண் அகழ்வு இடத்தை மக்கள் அடையாளப்படுத்தினர்

இன்று முற்பகல் 9.30க்கு வடமராட்சிக் கிழக்கில் திரண்ட மக்கள் சட்டத்துக்கு மாறாக மணல் அகழ்வு இடம்பெறும் இடங்களை அடையாளப்படுத்தினர். இலங்கைப் பொலிஸார் ஒத்துழைப்பு வழங்குவதாகவும் உள்ளுரில் உள்ள இளைஞர்கள் சிலரை ஊக்குவித்தும் தென்பகுதியில் இருந்து வரவழைத்தும் சட்டவிரோத மண் அகழ்வு நடவடிக்கைகளுக்கு ஒத்துழைப்பு வழங்கப்படுவதாகவும் போராட்டத்தில் ஈடுபட்ட மக்கள் கூறியுள்ளனர்.

தாயகப் பிரதேசங்களில் மணல் வளம் சூறையாடப்படுவதை உடனடியாக தடுத்து நிறுத்தக் கோரும் மனு ஒன்று வடமராட்சி கிழக்கு பிரதேசச் செயலக அதிகாரியொருவரிடம் கையளிக்கப்பட்டுள்ளது.